Saluton en mia persona paĝo!
Prezidanto
de Rusia Esperantista Unio Ĉefaj
verkoj: Malneŭtrale
pri la neŭtrala (esperantismaj eseoj). 1997 Moskvaro
(kompilo kaj postparolo por poemaro de kvar moskvaj originalaj
poetoj-esperantistoj). 1998 Malgranda
gvidlibro pri Moskvo (kunaŭtore kun Natalia Aroloviĉ). 2000 Факты
и краткие сведения о международном
языке Эсперанто. 2000, 2001 Учебный
словарь начинающего эсперантиста. 2001 Epitomo
de esperantologio. 2002 Poeziaj provoj, tradukoj kaj eksperimentoj |
|
BIOGRAFIO
GENERALA Naskiĝis
12.11.1953 en Moskvo, kie loĝas fakte la tutan vivon. Laŭ la
klero - biologo, finis en 1975 Moskvan ŝtatan pedagogian
universitaton. Laboris kiel instruisto de biologio en mezlernejo, Moskva
urba Palaco de pioniroj kaj lernejanoj; estis dum 13 jaroj scienca
laboranto en Instituto de fiziologio de plantoj de la Akademio de la
sciencoj de USSR. En 1980-84 koresponde studis en aspiranturo de Instituto
de historio de la natursciencoj kaj teknikoj de la Akademio de la sciencoj
de USSR, kaj en 1985 defendis tie disretacion kaj ricevis sciencan gradon
de kandidato de biologiaj sciencoj. En
1989 fariĝis profesia instruisto de Esperanto en fondita de li kaj
liaj amikoj speciala kooperativo «Kopso». Komence de 1990-aj jaroj
laboris en diversaj redakcioj, i.a. en 1993-94 - en redakcio de «Eventoj»
en Budapeŝto. Fine de 1995 eklaboris en sociaj organizaĵoj,
defendantajn homajn rajtojn - komence en Fondaĵo «Glasnostj», nun -
en Rusia movado «Por homaj rajtoj». |
BIOGRAFIO
VERDA Esperantisto
ekde 1982, kiam konatiĝis kun la lingvo dank' al kurso de B.Kolker en
scienc-populara revuo «Kemio kaj vivo», sed aktive ekokupiĝis pri
la lingvo kaj movado en 1985, post ricevo de la scienca grado. En 1989
estis elektita en la Estraron de restarigita tiumomente SEU, kaj samtempe
forlasis sciencan laboron por profesie labori por Esperanto, kion
pli-malpli sukcese faris ĝis 1994. Plurfoje
estis elektita en la konsiston de la Estraro de REU,
en 1994-95 estis ties prezidanto. En
1997 fariĝis prezidanto de la Ĉefa atesta kaj lingva komisiono
de REU. Inter
la ĉefaj atingoj en la esperantista agado de Nikolao Gudskov estas
organizo en la jaro 2000 de SAT-kongreso en Moskvo. La
ĉefaj aliaj aktivecoj: peranto de SAT
en Rusio, moskva delegito de UEA.
Gvidas Moskvan Esperanto-klubon
"Lev Tolstoj". En 1997 fariĝis unu el iniciintoj kaj prezidanto de plenumkomitato de
PREM
(Popola Rusia Esperanto-Movado) - ruslingvia LEA, kunlaboranta kun SAT. En
la 19-a Konferenco de REU
14.12.2002 denove estis elektita prezidanto de la organizo. |
IOM PRI OPINIOJ Laŭ siaj politikaj preferoj estas konvinkita maldekstrulo:
anarkiisto kaj pacifisto, opinianta, ke ajna perforto por ajnaj politikaj
kaj sociaj celoj (krom defendo de sia vivo kaj sano) estas absolute
nepermesebla, kaj la ŝtatoj estas la ĉefa fonto de ĉiuj
specoj de perforto kaj popola malbonstato en la tuta mondo. Sampempe ne
estas fanatikulo pri anarkiismo kaj preferas pragmate subteni tiujn
politikajn organizojn, kiuj strebas kaj reale kontribuas al malaltigo de
la malbono kajmaljusto en la mondo. Estis membro de la Konfederacio de
Anarki-Sindikatistoj, Rusia Verdula Partio, Movado «Novaj Maldekstruloj»
- ĝis kiam tiuj organizoj (bedaŭrinde) disfalis. Esperanton Nikolao Gudskov konsideras kiel nepran kondiĉon por
establiĝo en la mondo de justa, paca kaj senekspluatada ordo, kaj la
ideon de la lingvo - kiel profunde maldekstran kaj anarkiisman. Guste tial
li fariĝis esperantisto kaj uzas ĉiujn manierojn por disvastigi
Esperanton, ne gravas, en kadroj de kiu organizo tio okazas.
Kompreneble, el ĉiuj esperantistaj organizoj por li plej gravas SAT,
kiel organizo de maldekstruloj, kaj enkadre de ĝi - liberecana
frakcio, kie troviĝas plej multe da liaj veraj samideanoj (kvankam ne
ĉiam samopinianoj.
|